Chi vi pozzu diri? 'nta sti campionati m'addivitti di cori appiddaveru.
Na squadra fatta di genti di sostanza:
Ginu e Robetta, ca quannu su assittati su cchiu jauti di l'avvirsari ca su additta,
Etturi cu Daniela ca, no ppi diri, su propriu na mia creazioni micidiali,
Etturi quannu nesci di dda sala chiusa pari cca cci ama chiamari subbitu i pumperi
mentri Daniela, senza diri piu, ccu ddu su passu di n'indossatrici,
doppu ca u fa sfuari, c'arrispunni a tonu.
E appoi ci semu ju e me maritu,
di cui ormai persi li spiranzi di faricci 'nzignari lu sistema
(vi vogghiu cunfissari ca mi penzu ca pigghia 'u primu cattillinu ca c'iammatti
e qualche vota, chiamati lu miraculu, capaci ca c'anzetta ppi daveru.)
Quantu a mia vi pozzu diri "non sbagghiai na catta, non sbagghiai.
Impassi, compressioni, messa in mano ,
non mi vogghiu vantari e, no ppi dillu,
fici 'n corpu di Vienni sì ... senza sapillu!!
Arrivammu all'ultimu incontru, cu 25 di vantaggiu supra i terzi
e ni jucammu cu la capulista, lu passaggiu ppi jri in Eccellenza.
A squadra ca 'ncuntrammu è blasunata:
in sala aperta a capa de maestri Marina Causa in coppia 'a so maritu
e ccu nuautri c'era a Piscitelli cco so cumpagnu, 'n certu Sabbatini
ca è muntuatu ppi 'ngrandi jucaturi.
Certu è sicuru è nu gran signuri,
cumplimenti di cca, elogi di dda,
mi tinni allegra ppi ddu uri e menza,
ccu mme maritu, ca non comprendendo, m'arripiteva diceva: Tiziana ioca!!!
Ma ccu jucava ccu ddu gran piaciri di putiri parrari 'nzichitanza?
di tuttu, arti, sport e cultura generali...
vi dicu na persona eccezziunali!
Certu ci arrialai 2 voti 3 senza,
non mi incassai na presa ppi una sutta,
ma 'u coppu mastru 'u fici quannu, ddu me maritu,
nun comprindendu il livello culturale del discorso che svolgevo dalla mia latata,
e ripetennu sulu: Tizi muta e joca, mi puttau a jucari 5 fiori,
cu na sequanza tantu strampalata ca, pensu, sulu iddu a po capiri.
Cchi vaju a diri, quannu visti u mortu ca a parte i ciuri, aveva 5 catti a cori,
insemi a lu me vicinu Sabbatini, cci sbuttai
"ma cchi ti pari jocu chiddu ca fai ?
ma u vo capiri che i culuri s'annu a licitari?"
e intantu a Piscitelli che già s'ava incassatu l'assu d'atù
pigghia a ritorna cori...
'a rissi eccu mi voli 'nzuttari
certu mi sta tunnannu sutta ò Re
e avennu in manu Assu Donna e cartina
e Fante quinto o mortu,
(sempri pjnzannu ca sta manche a cori non 'a potti jucari),
ci misi a Ronna ...e ddu garbatu signuri a me sinistra ci misi u re
e poi ancora cori ppò tagghiu da cumpagna.
Ancora vardu e sugnu una sutta...
Ma ddu gran signuri a lu me latu, mi cunsulau
"non ti preoccupare" disse,
"tantu ppi sapillu, ti nni jevi sutta macari a 4 cori".
e sulu allura mi potti calmari...
" si, ci diceva ma, ma i cori me maritu l'ava a diri"...
"certu, raggiuni hai" m'arrispunneva...
e 'ntantu nun sinteva i sdillirii di ddu me maritu
nta tutte le lingue e pure in mussulmano.
Arripiteva: ma comu isti sutta?
ma su metti l'asso a cori e tiri i ciuri,
'u viri ca ti cali e fai u cuntratto?.
Sulu quannu finemmu sta partita
e ca stu bellu 'ncontru s'accapau,
mi'naccuggii, c'aveva si raggiuni,
ca l'unicu cuntrattu era a ciuri.
Sta storiella, ca poi è 'nfattu veru,cci dici sulu na granni viritati:
QUANNU JUCAMU, ALL'AVVERSARI, NUN CI DAMU CUNTU,
cca ppi quantu gentili cortesi e sapuriti,
si nni dununu di parrari nun è sulu ppi galanteria.
E vi cunfessu sarà ca Pucciu non è 'nmastru a licitari,
ma su 'u scutava, cchi vi pozzu diri,
poddarisi ca vincevumu 'a partita
e in Eccellenza putevumu passari.
A conclusione di sto siparietto,
joca addivettiti cummatti
ma sulu 'n cunsigghiu vi rugnu ppi stu jocu:
ascuta, senti assai e parra pocu!
Tiziana Tuttobene Basile
